.•.°.•ஐ•i[♥ الخـــــاطـر المكســـــور ♥]i•ஐ.•.°.• ‏

أنا ما ابيك تسمعني وتجبر خاطري المكســور
ولــكن كنــت أبـي تبــقى معاي بكل حــالاتــي

تبي تــرحل عن أيامي ويجي غيري يعيش الدور
الا يا صاحبي صعبـة تعـــيش بـــغيــر لحظاتــي


من اللي يشبه دموعي وقلبه في سنيـنك نـور
ومن مثلـي أنـا قـــلي نـقــش بالـصبـر آهــاتي

حبيبي من العبث احلم وابني للغرام قصــور
وتجي في واقعـك لحظة وتهـــدم كل غاياتي

حبيبي ماقدرت أنسى وأنا لي في حياتك دور
أنا من علمك تعشق وعشت الحب في ذاتي

تحريتك وعمري راح وكل اللي بقالي شعـور
أحاسيسـي وتتعبــني تسولــف عن حكاياتي


بقالك حب في صدري ولو كان الوفى مهجور
فضحني حزني البائــس وماغيـر قناعاتي

مسافة بيني وبينك عواذل وألف باب وسور
وشباك من الماضي ازوره في متاهاتي


أنا مـا أعاند ظروفي وأقول الغايب المعذور
ولكن طاري الفرقى يزود في معاناتي

تفرقنا وتباعدنا وغدى فينا الزمان يجــور
حكايا ما لها آخـر وحلمي كل غلطاتي


سألت الكذب عن عذرك وأكيد انه شهد لك زور
عذرتك كان تجرحني بشكوى تشبه سكاتي

أنا ما أبيك تسمعني وتجبـر خاطري المكسـور
ولكن كنت أبي أبقـــى معـــاك بكل حالاتـي