علَم اللي قال ياغامد خساره
ويهمز ويرمز ويرمي للبعيد
مايعيب الغامدي مريم وساره
وافهم المعنى من ابيات القصيد
النمر يبقى المقدر في وقاره
والصقر يبقى على القمه وحيد
والقمر ماتحجب الغيمه مساره
والنخل شامخ ولو طاح الجريد
والنهر لابد تظهر به عكاره
والفصل فيه المثابر والبليد
والردي اللي شذ مهما شب ناره
مايذيب الضلع لو ذاب الجليد
كم مطوع ماعرف معنى السجاره
وابنه يحشش ويحقن بالوريد
وكم اصيل فارق اوطانه وداره
واشترى في غربته ثوب جديد
وغرته سيف المظاهر والحضاره
وانسته ماضيه والمجد التليد
علم اللي يرمي الناس بحجاره
وانشرو هذي القصيده بالبريد
اما يتقدم لغامد باعتذاره
والا يتقدم على الموت الاكيد
وأسالوه أن كان صادق في قراره
كم صحابي غامدي شهم ورشيد
ليش ينسى اللي سقى الخصم المراره
ليش ينسى الحزنوي وابو الوليد
وليش ينسى اهل المكاسب والتجاره
الحمراني وابو لسه وغدران وسعيد
والمجدوعي بشرو ضيفه بشاره
والحوالي شيخ معروف وجيد
وليش ينسى اهل القصايد والزياره
ليش ينسى الزرقوي وابو جعيد
واحمد وهميل وابو علاج بشطاره
واصلو في درب نايش والغويد
وليش ينسى اهل المناصب والوزاره
والملازم والمقدم والعقيد
والطبيب الي تميز بالمهاره
والمهندس راعي العلم المفيد
والسفير اللي تعين بالسفاره
وعضو بالشورى وله راي سديد
وطالب نال التفوق بالجداره
وفارس وقاسي ودندون وعنيد
ليش ينسى اهل المكارم والطهاره
منبع القالات والطبع الفريد
ليش ينساهم ولا ينسى حماره
ازعجت بنهيقها حتى الحديد
الرئيسية 
موضوع: قلبي انا فدا * غامد * 
الثلاثاء فبراير 03, 2009 4:25 pm
