ممكن انسى

ممكن انسى.....بس لي شرط صغيرو تعرفينه
بدلي قلبي بقلب ما عرف معنى الغرام
بدلي تفاحتينك....زعفران وياسمينه
اشهقك مثل الفضيلة..وازفرك مثل الحرام
وافتحي شاطي عيونك ذوبي ملح الغبينه
عين تفرش لك ورود وعين تسهد ما تنام
صار طفل العشق بعروقي يبر بوالدينه
قلديه بسوسنة صدرك وضميه بسلام
حسسي ليل الموادع بالحنين وبالسكينه
صار لك بين الحنايا عشب وخيول وخيام
قولي انك مخطيه في البعد وان اللي تبينه
فارس يركب حصان ابيض وياتي فالمنام
فارس يعرف معك وشلون يكمل نص دينه
يعشقك مثل اغبياء الارض ويطيعك تمام
يختلف عني وانا اللي حط قلبه بين ايدينه
آخذك يعني غصيبه...آخذك يعني انتقام
جيت متمرد ورافضها قوانين المدينه
من عصور الجاهليه لين خذلان الختام
يعني لازم..لازم ابقى تابع يحني جبينه
ان جلس واحد جلسنا...وان وقف قالواقيام
كيف اقول لا والاكيف ازيد الطين طينه
معظم الفوضاء بهذا العصر هي افضل نظام
وجايه تقولي نسيتك صدق لي قالوا لعينه
تعرفين اشلون تؤكل كتف حبي والهيام
قدمي قربان حبك دامك اللي تامرينه
شوفي اشلون اتعرى من تقاليد الظلام
قولي ان الحب هذا ذنب واقطعلك يمينه
لويصير السيد اللي مات بيدين الغلام
ورغم هذاودك انسى..يقطع الحب وسنينه
لعنبو غيرك وتوي معك ماخلصت عام
إيه انا وانتي طبخنا الحب حنا طابخينه
ناكل فلحم المحبه وصرنا نرميها عظام


ترى هذا شعر خاص فيني بس حبيت تشاركوني فيه

الحقيقه العبارات جميله ووجدانيه تحكي واقع الغابه

واقع الغابه !!!!
الله يخلف على الفهم بس
على العموم الف شكر على المرور والتعليق الحلوو

تعرفين اشلون تؤكل كتف حبي والهيام
قدمي قربان حبك دامك اللي تامرينه
شوفي اشلون اتعرى من تقاليد الظلام
قولي ان الحب هذا ذنب واقطعلك يمينه
لويصير السيد اللي مات بيدين الغلام
ورغم هذاودك انسى..يقطع الحب وسنينه
لعنبو غيرك وتوي معك ماخلصت عام
إيه انا وانتي طبخنا الحب حنا طابخينه
ناكل فلحم المحبه وصرنا نرميها عظام

يسلموا لذة غرام وهاذي الأبيات اتوقعها اهداء من....

يسلمووو ياقلبي على المرور
وصح الابيات اهداء من ....